बैतडेली भाषाको गजल
हिट् मेरा सुदूरपश्चिम
पढ्न लाग्ने समय 1 मिनेट
हिटमेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली।
परादमा फाणोखाली चोतासाग खाली
भदोका मैना गोरा दिन घागरो लगाली ।।
हिट मेरा सुदुरपश्चिम घोगा रोटा खाली ।
कोदया अखड्या कि ह्याक टोडली ।।
पाणमा ठन्न भयाबरे मजेला सेली ।
मजेला जाणीमाण्या गुदड्या ओडली ।।
हिट मेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली ।।
सौनका मैना घट्ट झाली जौ दलली ।
हडपिड भयाबरे गाईको घि घसली ।।
हिटमेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली ।।
दतौन्याले दाँत ममाजली कानला ताछली।
आइना बातै सुणिबरे तई कति हासली ।।
हिट मेरा सुदुरपश्चिम घोगा रोटा फोड्ली
कोदया अखड्या की ह्याक टोडली ।।
भुईसो बेया पन्यालो लेट्या खाली ।
तिम्ला पातमा गिगौता लिसा खाली ।।
हिट मेरा सुदुरपश्चिम घोगा रोटा फोड्ली
कोदया अखड्या की ह्याक टोडली ।।
भट्टा कोषा टिपीबरे भद्यालामा बफोली।
रात घोगाड झाली सडा सुङर धपाली ।।
हिट मेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली ।।
ब्रतबसी मन्दिर झाली बातो बालली ।
हात जोडली कुल्याथाई जिचायो मागली ।
हिट मेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली ।।
ठन्नमा कट्की वालो चाहा सुसाली।
खुदासित रोटा खाई चित्तु बुझाली।।
हिटमेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली ।।
यिति जाण्या सुदुरपश्चिम खोजीखोजी आली।
मुखमट्काया पस्ताली नआइ का झाली ।।
हिट मेरा सुदुरपश्चिम घोगा रोटा फोड्ली ।
कोदया अखड्या की ह्याक टोडली ।।
नवराज जोशी, दनपा ९, ग्वाल्लेक, तिताखोली
हालः संखुवासभा, प्रधानाध्यापक श्री बालशुसील आधारभूत विद्यालय धर्मदेवी न पा १ तेल्लोक
2023-08-28-09-21-53.jpeg)
प्रतिकृया दिनुहोस