बैतडी, चैत २७ गते । प्रथम अन्तर प्रदेश स्तरीय राष्ट्रिय एथलेटिक्स प्रतियोगितामा सुदुरपश्चिम प्रदेशबाट देवकी धामी प्रथम हुनु भएको छ । बैतडीको सिगास गाउँपालिका–२, शिबलिङ्ग मावि बगरधौलाडीकी छात्रा देवकी धामीले सुदुरपश्चिम प्रदेशबाट प्रतिनिधित्व गर्दै आज चितवनमा भएको प्रथम अन्तर प्रदेश स्तरीय राष्ट्रिय एथलेटिक्स प्रतियोगिता १५सय मिटर दौडमा प्रथम स्थान प्राप्त गर्न सफल हुनु भएको छ । देवकीले यस अघि जिल्ला र प्रदेश स्तरीय राष्ट्रपति रनिङसिल्डमा प्रतियोगितामा १५ सय र तीन हजार मिटर दौडमा प्रथम भएर स्वर्ण पदक जित्नु भएको थियो । स्वर्ण पदक बिजेता देवकीसहितका विद्यार्थीलाई विद्यालयले १०हजार नगद पुरस्कारसहित सम्मान गरेको थियो ।